خەڕگ کوورە بنیشم، خاک و ئاوم هەریەسە

هەم پەڕ و باڵم بەسانە، هەم دەمم دووراننە

تا من بووم و حەرف هەق نەووشم، جواوم هەریەسە

ئمڕوو سێشەمە هەڵبەستوان ناودار کورد، پەرتەو کرماشانی لە سن ٩٠ ساڵییا لە ژیان ماڵئاوایی کرد.

عەلی‌ئەشرەف نەوبەتی ناسیای وە (پەرتەو کرماشانی) لە ساڵ١٣١٠ لە بەرزەدەماخ شار کرماشان وەدی هاتێیە. لە هەرئەو شارە دریژە وە خوەندن خوەی دایە و لە تەمەن ١٦ ساڵانی وە هاندان ئێرەج رەزایی ناسیای وە(ئەنوەر کرماشانی) دەس کەیدە نووسان شێعر. پەرتەو شاعرێگە ک لە دڵ نەتەوەی خوەی جییەو گرتێیە و هەنای ناوێگ لە لێ تێ، کەسێگ نییە لە رووژهەڵات کوردستان لانکەم خشتێگ لە شێعرەگانێ نەزانێ.

پەرتەو کرماشانی سەردەمێگ هاتە مەیدان ئەدەبیات کوردی، کرماشان یانێ زێد و شار وەدیهاتنێ، لە رەوش خراو ئاسمیلاسیۆن بوو و بوود بووشی لە دووای شامی کرماشانی ک یەکێگ لە بنیانەرەیل شێعر ئمڕوو کوردی خوارێن(کەڵهوڕی)یە، ناوبریای یەکێگ تر لە کاریگەرترین هەڵبەستوانەیل هەر ئێ حەوزەسە. و هەرلەیوا پەرتەو لە دامەزرێنەرەیل شێعر شاری حەوزەی کوردی لە کرماشانە و لە شوون یەۊە ک جمشت شێعر کوردی وە گشتی لە کرماشان و ئیلام سەقامگیرەو بوود.

لە سال ١٣٧٧ دیوان شێعر فارسی – کوردی پەرتەو کرماشانی وە هاوکاری و ئامادەکاری محەمەدعەلی سولتانییەو چاپ و بڵاو بووە.

ئیمە لەوای پن‌کورد، سەرخوەشی و سەرسڵامەتی خوەمان ئاراستەی بنەماڵەی ناوبریای و کوومەڵگەی ئەدەبی – فەرهەنگی کوردستان وە تایبەت کرماشانییەیل فەرهەنگ‌دووس کەیمن و لەی داخ گەورا خوەمان وە هاوبەش زانیمن.